SA PAMILIHAN NG PUSO- PAGSUSURI

-

 

  1. Pamagat 

   SA PAMILIHAN NG PUSO

  1. May-Akda: Jose Corazon de Jesus

  2. Hawig ng Saknong:

       Inilarawan sa tulang ito kung ano-ano ang mga hindi dapat maging batayan pagdating sa pag-ibig at kung ano-ano ang mga magiging bunga nito kapag umibig ka sa ganoong mga batayan. Marapat na ang bawat mangingibig ay huwag masilaw sa pera, sa ganda, sa dangal at nang dahil sa pagnanasa. Bagkus dahil tunay na mahal mo ang taong iyon. At kung masaktan man, laging isipin na kalakip ng pag-ibig at sakit. 


  1. Teoryang Nakapaloob:

  1. ROMANTISISMO- Ang ganitong klaseng tula ay nalalangkapan ng sentimentalismo, ideyalismo at hayagang moralismo. Ang mga salitang ginagamit ay mabulaklak at mayaman sa makulay na imahinasyon. Ang namamayani riyo ay emosyon at likas na kalayaan. Higit na pinahahalagahan dito ang damdamin kaysa ideyang siyentipiko.

  • Ang tula ay mas pinahahalagahan ang damdamin o emosyon higit pa sa ibang bagay. 


  1. PORMALISMO- Nagbibigay pansin sa istruktura o pagkabuo ng isng akda. Isa sa mga tinitignan ay ang kabisaan ng pagkakagamit ng matatalinghagang pahayag.  Ang tunguhin ng teoryang ito ay matukoy ang nilalaman, kaanyuan o kayarian at paraan ng pagkasulat ng akda. 

  • Sa kabuuan, malalim ang ibang salitang ginamit sa tula. Ito ay tumatalakay sa mga dahilan kung bakit madalas na umiibig ang isang tao, ngunit sa paraang hindi naayon o tama. Binigyang linaw ng tula ang mga dahilan kung bakit hindi natin dapat ginagawang dahilan ang mga bagay na nabanggit kapag tayo ay iibig.


  1. Paksang Diwa:

    Tinalakay sa akda ang mga hindi dapat maging batayan kapag ang isang tao ay nagmamahal at kung ano-ano ang mga magiging bunga nito. 


  1. Istilo at Pagkamasining:

 Tradisyunal ang istilo ng tula. May sukat at may tugma. Binubuo ng mga malalalim sa salita at mga tayutay. 


  1. Pagpapahalaga ayon sa Nilalaman

  1. Kahalagahang Sosyal at Pangkabuhayan

 Hindi mahalaga ang estado ng buhay  upang mahalin mo ang isang tao.


  1. Kulturang Filipino

  1. Mapagmahal- Likas na mapagmahal ang mga Pilipino. Di ito maikakaila sapagkat maraming dayuhan ang nais makapangasawa ng Pilipino. Gayunpaman, minsa’y kumakagat na lang ang mga Pilipino dahil sa pagiging praktikal o dahil may mas magandang maibibigay ang dayuhan. 


  1. Simbolismong Pilipino

PUSO- Simbolo ng pagmamahal. Sentro ng buhay. Dahilan kung bakit nanatiling buhay ang isang tao. 

  1. Kahalagahang Pangkatauhan

  1. “Huwag kang iibig nang dahil sa pilak..” Huwag kang iibig na ang kayamanan lamang ang iyong habol dahil darating din ang panahon na ito’y mawawala at sasabay sa ihip ng hangin. 

  2. “Huwag kang iibig nang dahil sa ganda…” Huwag mabulag sa kagandahang panlabas ng isang tao. Ang uri ng kagandahang iyo’y kumukupas. Walang permanente sa mundo. Darating ang panahon na kukulubot at gagaspang ang mga balat. Mas mahalin ang isang tao dahil sa kagandahang-loob na taglay.

  3. “Huwag kang iibig sa dangal ng irog…” Lahat tayo ay may dangal na tinataglay. Huwag magpadala dahil sa kasikatan o kariktan ng minamahal, sapagkat kung gaano katayog ang kinalalagyan, ganoon rin kalalim ang babagsakan. Sa huli’y iisa rin lang ang ating patutunguhan- sa hukay.

  4. “Huwag kang iibig dahilan sa nasang maging masagana…” Huwag kang maging praktikal. Huwag maniwalang ang pag-ibig ay napag-aaralan sapagkat kung gayon, hindi iyan tunay, hindi ka magiging masaya. Di tunay ang kasaganaan ang iyong matatamasa. 

  5. “Kung ikaw ay iibig ay yaong gusto mo at mahal sa iyo…” Piliin mo yung taong mahal mo, taong gusto mo. Wala nang mas sasaya pa sa isang taong kapiling ang tunay niyang mahal. Wala nang mas hihigit pa sa isang taong tanggap ka kung ano at sino ka.

  6. Kalakip ng PAGMAMAHAL ang SAKIT. Walang nagmamahal na hindi nasasaktan. Walang nagmamahal na hindi lumuluha. Ganoon ang pag-ibig, masasabing mong tunay ito kung narasanan mong masaktan nang dahil dito.


  1. Paraan ng Pagkakasulat

    Ang tula ay tulang patnigan. Nangangatwiran at nagbibigay-aral. Binubuo ito ng apat na sangkap ng tula- ang sukat, tugma, talinhaga at kaisipan. 


  1. Pangkalahatang Puna at Mungkahi

     Mahusay ang pagkakalahad ng tula. Nakakaakit ang pamagat. Nanatiling sariwa ang paksa. Sapat lamang ang lalim ng mga salita at pangungusap na ginamit. Sapat lamang ang haba na mas naging epektibo upang hindi mawala ang interes ng mambabasa. 

Comments

Post a Comment

Popular posts from this blog

GENERAL EDUCATION - TEST DRILL

-
GENERAL EDUCATION TEST DRILL Directions: Prepare your scratch paper. Try to answer the questions below like you are already taking the board examination. You can check your answers using the key answers after the questions. Ps. And if you want more drills like this, comment on your score and e-mail address. 1. What does a professional code of conduct prescribe? a. Civic conduct for all b. Professional traditions and mores c. Moral and ethical standards d. Stricter implementation of laws 2. He established the tobacco monopoly during the Spanish era. a. Jose Basco b. Rafael Izquierdo c. Basilio Agustin d. Francisco Rizzo 3. Technology ______ dramatically in the twenty-first century. a. Was improved b. Has improved c. Is improved d. Did improve 4. A bread – and butter sandwich ________ my favorite morning snack. a. Is b. Has been c. Are d. Have been 5. This is a segmented worm that can be used to facilitate anticoagulation. a. Leeches b. Maggots c. Earthworms d. Bloodworms 6. The ______ o...
Read more